كتابة/ رقص/ تعافي
في هن .. يلا بينا نقرأ ونكتب ونرقص ونبدأ رحلتنا الخاصة جدًا مع نفسنا.
احنا كستات عشنا وبنعيش تجارب عنف مختلفة في بيوتنا والشارع والشغل، تجارب العنف دي بتأثر على جسمنا واحساسنا بيه وتواصلنا معاه، أحيانًا التجارب دي بتفقدنا التحكم بحياتنا، وبتحرمنا من الاستمتاع بيها.
ورشة كتابة/ رقص/ تعافي بتخلق مساحة للستات علشان تقرأ وتتناقش وتفكر مع بعض وكمان تكتب وترقص. في الورشة دي هنركز على أجسادنا في كل المراحل بدءًا من مرحلة القراية حتى مرحلة الكتابة، وكمان هنركز على علاقتنا بالأشياء والناس من حولنا.
الرحلة دي بتتكون من ثلاثة أجزاء مرتبطة ببعض:
الجزء الأول: حلقات نقاش لفصول مختارة من كتاب “The Body Keeps the Score; Brain, Mind, and Body in the Healing of Trauma” أو الترجمة العربية ليه باسم “الجسد لا ينسى”.
كتاب من تأليف أحد أهم أطباء الطب النفسي المتخصصين في التروما واللي درسها لمدة ٥٠ سنة، هيكون مدخل لينا عشان نتكلم عن ازاي التروما بتغير في تكوين مخنا وبالتالي استقبالنا لتجارب حياتنا المختلفة، وازاي نقدر نخف سوا من أثر تجارب العنف ونستعيد تحكمنا في مصائرنا من تاني.
الجزء الثاني: ورشة رقص علاجي، هتاخد بايدينا لاستكشاف العنف المخزن في أجسامنا، وتغيير رؤيتنا ولغتنا غير الرحيمة اللي بنستخدمها مع جسمنا، والتحرر من العار والذنب اللي سببتهم تجارب العنف والأذى.
الجزء الثالث: ورشة كتابة مكثفة لمدة ٤ أيام خارج القاهرة، هينتج منها كتاب لنصوص الورشة.
كل جزء بيتكون من ٦ لقاءات، والورشة ككل ممتدة بدايةً من شهر يونيو وحتى شهر أكتوبر.
إحدى شروط الاشتراك في الورشة هو حضور كل أجزائها المختلفة.
للتسجيل والاشتراك من خلال اللينك التالي:
آخر موعد للاشتراك السبت 25 مايو
