الغريب

الوصف

“في مجتمعنا، أي راجل مش بيعيط في جنازة أمه، بيواجه خطر إن يتحكم عليه بالإعدام”. هي دي الجملة إللي ألبير كامو – الكاتب والفيلسوف الفرنساوي – لخص بيها راويته “الغريب” في سنة 1955. وفي سنة 1999، ماكانش غريب إن جورنال “لوموند” يختار الرواية الرائعة دي عشان تحتل المركز الأول في القايمة إللي عملها لأحسن 100 كتاب في القرن العشرين. وفي سنة 2002، نادي الكتاب النرويجي إختارها ضمن قايمة أحسن 100 كتاب في التاريخ. وده كان اختيار طبيعي جدا بعد ما الرواية إترجمت لحوالي 70 لغة ولهجة وبقت من أهم كلاسيكيات القرن العشرين. والنهاردة أنا فخور جدا إني قدرت أضم اللغة المصرية لترجمات “الغريب”. وبالتعاون مع “دار هن للنشر”، “الغريب بالمصري” خرج للنور متزين بالرسومات الجميلة للفنان مخلوف إللي أضاف للرواية بُعد جديد هيخلي كل الناس إللي بيحبوا يقروا بالمصري، في كل حتة في العالم، يستمتعوا أكتر بالعالم العبثي اللي صورهولنا كامو في قصته.